O festival TerraCeo entra na súa recta final do verán con tres concertos que pecharán a terraza do Mar de Vigo ata Setembro

A terraza do Mar de Vigo converterase no escenario principal das actuacións de María José Llergo, Kitty, Daisy & Lewis e Tinariwen, como peche da tempada estival de TerraCeo. Estes tres nomes, provenientes ademais de países diferentes, presentarán propostas musicais únicas que permitirán gozar dun merecido descanso ata setembro. HARD GZ únese á lista de concertos con entradas esgotadas a máis de dous meses antes da súa actuación na terraza do Mar de Vigo. Será o encargado de pechar a cuarta edición de TerraCeo.


A banda Tinariwen actuará o 25 de xullo na terraza do Mar de Vigo.

Na cidade olívica, o final de xullo albíscase como un momento marabilloso para os amantes da música en directo. A terraza do Mar de Vigo converterase no escenario principal dos directos de María José Llergo, Kitty, Daisy & Lewis e Tinariwen. Tres destacados artistas como peche da tempada estival do festival TerraCeo. Estes tres nomes, provenientes ademais de países diferentes, presentarán propostas musicais únicas que permitirán gozar dun merecido descanso ata setembro.
Cunha serie de concertos esgotados ás súas costas, o último deles, o HARD GZ, a máis de dous meses antes da súa actuación na terraza do Mar de Vigo, esta edición do Festival TerraCeo estivo constantemente xerando momentos extraordinarios. O atardecer na fermosa ría de Vigo converteuse nun distintivo propio, deixando pegada tanto en artistas como no público debido á conexión que se crea nesa contorna incomparable.

María José Llergo, a talentosa cantante con raíces en Córdoba, actuará por primeira vez este venres 21 de xullo no Festival TerraCeo. Cunha formación musical que abarca desde o violín ata o canto flamenco, a súa voz cativadora e as súas interpretacións emocionantes han deixado unha marca na escena musical. Recoñecida co premio Goya a Mellor Canción Orixinal en 2022 por por "Te espera el mar", tema incluído na película "Mediterráneo", e aclamada polo seu estilo único, María José Llergo é unha artista que deixou obsoleta a paleta de referentes e sacudiu o panorama musical: o seu cante está deseñado para ser gozado sen prexuízos, para achegarse a el cos ollos ben abertos. Non hai mellor recompensa no camiño que explorar carreiros descoñecidos, non para atallar, senón para descubrir novos horizontes.
O sábado 22 de xullo, será a quenda do incrible trío de irmáns Kitty, Daisy & Lewis en TerraCeo. Estes talentosos compositores de Londres son un agasallo para os amantes da música. Coa súa capacidade para tocar calquera instrumento, o seu enérxico espectáculo en vivo abarca xéneros como R&B, blues, ska, soul, country e rock'n' roll. Desde unha temperá idade, inspiraron a admiradores como Amy Winehouse e David Lynch, e venderon máis dun cuarto de millón de álbums, ademais de abrir concertos para Coldplay, Mark Ronson e Stereophonics. Con influencias que van desde Louis Jordan e Louis Prima ata Ray Charles e Elvis Presley, Kitty, Daisy & Lewis cativarán coa súa versatilidade e talento.
E por último, o martes 25 de xullo, desde terras africanas, teremos a Tinariwen sobre o escenario de TerraCeo. Estes nómades tuareg e vaqueiros vagabundos transportarannos coa súa música a un horizonte atemporal no infinito Sahara e á fronteira salvaxe do Vello Oeste. As súas guitarras ao redor da fogata evocan cancións de perda, añoranza e o espírito do fogar no campo. A pesar das miles de millas de océano que separan o blues do deserto de Tinariwen e a auténtica música country de América rural, os lazos que os unen son tan palpables como románticos. No seu noveno álbum de estudo, titulado "Amatssou", aventúranse a explorar estas sensibilidades compartidas. Neste traballo, os banjos, os violíns e o pedal steel entrelázanse de maneira perfecta coas sinuosas liñas de guitarra e os ritmos hipnóticos característicos desta banda tuareg.
TerraCeo despedirá a súa cuarta edición en setembro co inclasificable trap de Boyanka Kostova (22 de setembro) e o rap de HARD GZ (23 de setembro). Esta nova edición de TerraCeo conta co apoio de Mahou Cinco Estrellas na súa aposta por reivindicar que os encontros entre persoas son esenciais para vivir mellor.


Imaxe do concerto de Curtis Harding na terraza do Mar de Vigo.
Fotografía de Xavi Iglesias.