Tras os exitosos 'RANAEIRA' (2022) e 'Os dous de sempre' (2020), que incluíron temas xa icónicos como 'A Quincena do Apóstol', 'Muinheira De Interior', ou 'Camerino', Boyanka Kostova está de volta.
Este 23F, chegan dispostos a reinar con "ORDOÑO", unha canción que naceu inspirada no nome do rei Ordoño II de León -quen reinou Galicia entre os anos 910 e 914-. Un tema urbano que conta con rimas coidadas e combinadas con loops logrando unha engrenaxe perfecta e pegadiza. Imposible saír da canción; quedará na túa cabeza.
Fotografía de Álvaro Alvite
"ORDOÑO", como sucede con todo o repertorio do dúo
compostelán, nace como resposta á súa necesidade de explorar e de tratar de
non repetirse; combinando ideas que se retroalimentan entre si, divírtense
xogando con sons e rimas.«Vacilar como forma de vida», apunta a letra de "ORDOÑO", poñendo sobre a mesa toda unha declaración de intencións; a esencia pura de Boyanka Kostova, que sen dúbida nos próximos meses sorprenderá con todo o que está por vir: sons, retranca, letras e referencias que xa poden gozarse neste primeiro adianto.
«Desperto e séntome no trono,
A miña raíña ao lado faime compañía,
non dou opcións, aqui non hai prata ou plomo,
Todos os súbditos ríndenme pleitesía»
Comentarios
Publicar un comentario